مفضلاتي

مفضلاتي ل شهر سبتمبر 

مفضلاتي للميك اب 

بودرة الحواجب من مكياجي

للامانه ماتوقعتها كذا ابدا ابدا " مادري ليش عندنا اذا المكياج رخيص نتوقع مو حلو ، للاسف قبل هذي نظرتي عن الميك اب 

بس من بعد ماجربت هالشهر كذا منتج حبيتهم كثيييير وغيرو هالفكره مكياجي من الماركات اللي ماكنت اتوقع احصل عندهم شي حلو ، بس ارسلو لي منتجات ، كذا منتج ابهروني صدق ماتوقعت كذا ابدا ، قبل اجرب بس عطورهم ، ومعطرات الجسم حقتهم مكياج ابدا ماكنت افكر اخذ ، بس مع تجربتي لهم حبيتهم 

بودرة الحواجب اول منتج جربته وابهرني ، اللون غنني اخذ شووي بالفرشه ويبن اللون بسرعه ، مااحتاج اعيد بالفرشه كذا مره عشان اخذ اللون اللي احتاجه ، وثباته جدا فضيييع ابدا ماتوقعة هالثبات ، واللون القوي ، اعبي فيه كل حواجبي ،

صرت استخدمه للطلعات السريعه واليوميه ، الفرشه اللي معاه ماحبيتها انا فيني حب وولاء لفرشه ماك احس مهما استخدم 

فرش حواجب مافيه زيها ابدا 

اللي حابه بودرة حواجب للاستخدام اليومي جامعه او دوام ويكون سعرها رخيص وجودتها حلوه انصحها بمكياجي 

بودرة ذا بودي شوب 

كنت حابه اجرب بودر متوفره عندنا بالاسواق ويكوون سعره متناول الجميع جربت كذا وحده من درق ستور وماعجبوني 

ف حبيت اجرب حقة ذا بودي شوب ، تثبت لي الفاونديشون ، وماتعطي منظر كيكي ابدا " اذا اخترتو اللون الصح وحطيتو البودر بفرشه" مراح تعطيكم اي بودره منظر كيكي 

حبيت انها خفيفه على البشره ، اكره البودر اللي تكتم البشره 

جربت كذا بودر من هاي اند ذي كانت افضل منهم 

سعرها ماذكر بالضبط لان عندي من قبل رمضان بس تقريبا ٩٠ او ١٠٠

مسكرات  اسنسي 

اسنسي جالسه تبهرني ي جماعه ، اقرها عنها كثير بس ماتوقعت فيه ميك اب جيد ب هالسعر ، مسكراته جربت كذا وحده 

وكلهم حلويين وينفعون للصباح بس لاحظت فيهم ان صعبين وانا اشيلهم تطلع روحي لما تطلع:) 

 مسكراتهم جدا رخيصه سعرهم يتراوح من ١٥ ل ٣٥ 

تحصلونهم بصيدليه وايتس وبستي ماكس

برايمر اسنسي 

تكلمة عنه قبل كم يوم بالسناب ، واغلب البنات طلعو زييي يحبونه ، اشووف انه جدا ممتاز للي حابه برايمر وبسعر جدا رخيص ، يثبت لي الشدو ويوحد لي لون الجفن ، ويبقى اللشدو ثابت مايخطط ولاشي 

بس اهم شي لاتسوون زييي اول مره استخدمته تحمست وحطيت كثير:) احسب زي باقي البرايمر 

شوووي منه بيغطي كل الجفن كثير يقلون بديل لبرايمر بنفت بس ماجربت حق بنفت 

سعره تقريبا ١٥ بصيدليه وايتس

اي لينر ان واي اكس

توقعته صعب من شكله ، بس ابدا طلع جدا سهل ويسهل علي الرسم بعد ، والافضل ان نحيييف ف اتحكم بالرسمه اكثر

واهم شي بالنسبه لي ينشف بسرعه يتحول لمات ، انا بالعاده مااحب السائل احس بحوس بالدنيا بالذات اللي مانيشف بسرعه اكرهم :( متعوده انا على الجل لينر اكثر واتحكم فيه براحتي احس ، بس بديت اتعود على السائل وكويس بديت ف هذا 

المسكه حقتها تساعد فالرسم بشكل اسهل ، سواده جدا فاحم ، هالشهر ماستخدم الاهو حابته صدق وسعره جدا رخيص

ان واي اكس تحصلونها بسنتر بوينت 

كونسيلر نيكد من اربن ديكاي

من رمضان ماستخدم الاهو ، قريبا جدا ل كونسيلر نارس ، نفس التركيبه تقريبا والتغطيه

احب الكونسيلر اللي نفس التركيبه الدمج يكون اسهل ، لان عندي هالات احط كوركتر بعدها هالكونسيلر واطبطب ب اصبعي ، بعدها بالبيوتي بلندر

الكونسيلر تغطيته من ميديم ل فل كفر ، ثباته جدا عالي ، مايخطط معي ابدا ، اذا بحط ميك اب لووقت طوويل 

وابي احط كل شي يبقى ثابت احطه هو 

اخذته من سيفورا ماذككر سعره بالضبط بس تقريبي ١٥٠ 

مثبت اسكندنيفيا 

من زماااان اقرا عنه ريفيوات ودايما بطلبه واخيرا طلبته ، الفتره اللي راحت استخدمته

كثير حبيته يثبت لي الميك ابب بدون ماييعطي اي لوك لاديوي ولامات ولاشي يبقى زي ماهو الميك اب 

وحابه هالشي فيه كثيييير ، عندهم انوواع لكل بشره 

استخدمته بزواج وكنت طول اليوم احوس ، وكان ثابت الميك اب زي ماهو 

تطلبونه اون لاين او تحصلونه بمتجري shoog__shoop

مفضلاتي للعنايه 

ماسك كلينك 

مخصصه للبشره المعرضه لحب الشباب ، الماسك ضروري مره بالاسبوع والماسك تختارون حسب ايش تحتاج بشرتكم ترطيب ، تنظيف مسام .... 

هالمساك احطه لان الفتره اللي راحت لاحظت كل شهر تطلع لي كم حبه ف حبيت استخدم هذا عشان يقضي عليهم 

ومايطلعون :) ، ولاحظت ينظف لي المسام وواحس بشرتي فيها انتعاااش بعد ماحطه 

اول مره استخدم شي من كلينك وحبيته 

كلينك تحصلونها بباربس قالري ودبنهامز ووجوه

ماسك الشعر بالارقان

اصلن بشهر ونص خلصته ،  دليل على حبي له ، بعد مااغسل شعري بشامبو ،على اطراف شعري بشكل مكثف والفروه بشكل خفيف بس مسح كذا ، يخلي الشعره فيها طراوه ، حتى خواتي جربوه ومره اعجبهم ، اللي شعرها ناشف زيي

احطه واحط شووي زيت الارقان احطه يعطي نتيجه اقوا ، وماسك الشعر احطه مره بالاسبوع 

المننتج كوري تقدرون تطلبونه من امازن او اي موقع يوفر منتجات كوريه

الشهر اللي راح ماجربت منتجات عنايه كثير اغلبهم منتجات متكلمه عنهم قبل 

باذن الله نهايه كل شهر بيكون فيه تدوينه عن مفضلاتي ل هالشهر 

وبس وبكذا خلصنا اذا جربتو شي منهم ااكتبو لي رايكم عنه