افضل منتجات 2016

واخيرا لي فتره احوس بالمدونه الجديده ، مع ان احب المدونه القديمه :( بس لان حماسي راح فيها مع سرقه حسابي ، ف حبيت ابدا كل شي من اول وجديد ، ومتاكده هذي بتكون افضل بكثير .

 نقلت التدوينات المهمه بس والباقي بكتبهم من جديد باذن الله .

كل عام وانتم بخير ويارب تكون سنه خير عليكم وتكون كلها انجازات وتحقيق ل امنياتكم 

حبيت اقول لكم افضل منتجات جربتهم في 2016 للميك اب 

التدوينه تاخرت كم يوم لان كنت مشغوله مره :( 

فاونديشون لوريال 

افضل فاونديشون جربته طول السنه ، مناسب لبشرتي كثير ونفس التغطيه اللي احبها ، تغطيته عجيبه وسط تقريبا ، يعطي فنش مات تقريبا ، يبقى معاي ثابت مايتحرك ابدا بشرتي مختلطه ومايدهن معاي ابدا اذا بحط ميك اب لوقت طوويل احطه هو اكون واثقه ان بيبقى ل نهايه اليوم ، بس مشكلته ينشف بسرعه ف احطه وادمجه بسرعه قبل ينشف 

مناسب للبشرات المختلطه والدهنيه 

متكلمه عنه بالتفصيل بالتدوينه اللي قبل 

كونسيلر نارس

بنظري افضل منتج جربته  بطل بطل كل المميزات اللي احتاجها بالكونسيلر فيه ، من ميديم ل فل كفر ، سهل بالمد والدمج ثابت ثباته عجيب مايتحرك ابدا ، غالبا الكونسيلرات اللي تغطيتها ثقيله تبين تحت العين ان حاطه شي ثقيل وهالشي مزعج مره ، اما نارس يبين طبيعي لتحت العين هذا السبب الرئسي اللي خلاني اعشقه اشوف ان فيه مميزات كثيره وويستحق التجربه ، انا كل مايخلص ارجع اخذ منه تقريبا اكثر من ٥ مرات شريته بس اللي عندها هالات تحتاج كوركتر قبله عشان مايقلب رمادي

كونسيلر نيكد من اربن ديكاي

يشبه نارس كثيييير تقريبا نفسه نفسه الفرق اشوف نارس التركيبه حقته افضل بشوي بس نارس يبين طبيعي اكثر ،

نيكد ثباته جدا عالي تغطيته ميديم ل فل كفر مايخطط معاي ابدا 

برايمرات ميك اب فور ايفر

جربت اربع انواع منهم وكلهم كانو حلوين ، بشرتنا مع الفصول  تتغير مرات تصير دهنيه مره مرات جافه 

البرايمر المات : اكثر نوع استهلكته فيهم يخلي البشره مات اي فاونديشون احطه بعده ابدا مادهن بشرتي ، يبقى مات لوقت طويل ، بس بشرتي مو دهنيه مره مختلطه ف احطه على الاماكن اللي ادهن منطقه التي زون ، ف اللي دهنيه دهنيه مادري بيكون مات لوقت طويل 

برايمر المسام:برايمرات المسام اهم شي تنحط بالطبطبه عشان يسكر المسام ، بس ترا يسكرهم بشكل مؤقت وقت الميك اب بس ، بس بريمرات المسام تخرب البشره :( احس تكبر المسام مع الاستخدام الكثر ف الافضل ماتستخدمونها كثير 

برايمر الترطيب : استهلكته كثير وقت الشتاء لان بشرتي صارت جافه شووي ف احط مرطب بعده هو يرطب لي بشرتي 

مسكره توفيسد

المسكره بطله بطله بطله ثالث مره اشتريها تعطي طول وكثافه بشكل حلو للرموش صح تفت شوي تحت العين بس بالنسبه لجمالها عادي ، احط منها طبقتين ماتكتل ابدا 

برايمر الرموش من بنفت 

يستخدم قبل المسكرا ، غالبا المنتجات اللي نفس هذا يكون لونهم ابيض ، هذا لونه بني ، تنفع لحالها للصباح ، احب احطها قبل المسكره حقتها يعطون منظر خيالي مع بعض والبرايمر لحاله نفس المسكره تفريبا تفرق لي الرموش بشكل حلو وتعطيهم طول وكثافه خفيفه 

مسكره مكياجي 

تعطيني طول وكثافه طبيعيه وتفرق لي الرموش بشكل حلو والاهم من كذا ماتعبت رموشي وتنظيفها سهل ، افضلها للصباح تنفع للجامعه او للدوامات

جل لينر تارت

انا افضل الجل لينر اكثر من السائل لان متعلمه عليه ف اشوفه اسهل ، هالجل تعليبه هو الاساس انه فضيع التعليب حقه يخليه ماينشف ابدا ، كلنا نعرف الجل لينر ينشف معانا بسرعه لان يكون مكشوف وحنا نستخدمه ومرات ننساه مفتوح ، 

اما هذا عصار مراح يكون مكشوف للهواء ف يحتفظ بقوامه ل وقت طول ، له اكثر من سنه عندي لسى مانشف ولاخلص :) 

سواده فاااااحم ومطفي بدون اي لمعه ، سلسل بالرسم وثباته عالي وتجي معاه فرشه مره احبها واستخدمها دايما لان نحيفه ف اتحكم بالرسمه اكثر اللي تحب الجل لينر بيعجبها 

شدات مورفي 

قريت عنها كثير واشوف كل اللي جربوها يمدحون فيها ف تحمست اجربهم ، للامانه ماتوقعتهم ب هالجمال اللون غني شوي منه يكفي بذات المات ،  ثباتهم عاالي وسعرهم مره رخيص ، واللوانهم فضيعه بذات 35k , 35t هالاثنين حابتهم كثثثثير 

اللي حابه شدوات انصحها تجربها بتعجبها كثثثير واشوف انها افضل من بالتات كثثثير هي بنص سعرها او اقل من النص بعد 

مثبت اسكندنيفيا 

ف المناسبات ماستغني عنه احس اطمئن اذا حطيته ههههه ان كل شي بيبقى زي ماهو ، يثبت لي الميك اب لطول اليوم ، ويبقى شكل الميك اب زي ماهو لامات ولاديوي ، بختين منه تكفي ، انا قبل اشتري هذا طلبت منه فيه حجم صغغغغير ب امازون يكفي ١٠ استخدمات تقريبا ومره عجبني بعدها طلبت هذا وفيه منه انواع لكل نوع بشره

مثبتات نكس 

تنفع ل اي وقت بس مناسبات كبيره مثل الزواجات اسكندنيفيا افضل بكثير نكس احب احطه اذا احتجت اخر شي اخلي الميك اب ديوي او مات استخدم واحد فيهم واكثر شي احبه الديوي ، يثبت لي الميك اب بس زي ماقلت مو حق مناسبات كبيره ، وسعره مره رخيص اطلبه اون لاين غالبا ٥٠ ريال 

محددات ماك 

ابدا ماجربت محددات مثلهم ابدا ، المحدد ترا مايخلي الروج اذا كريمي يحوس برا الشفايف :) 

يستاهلون سعرهم اكثر درجه احبهم وهي من اشهر محددات ماك سور استخدمه على كل شفايفي حاله او احطه فوقه اي روج يطلع حلو 

قلوسات ميك اب فور ايفر

فجئه جتني الحاله اللي طفشت من الارواج المات جلسنا سنتين ككل شي مات هههه احس خلاص ، غالبا اللي كذا يطلع اللون خفيف تدبق وتعطي احساس جدا مزعج ، هذا تركيبته اعجبتني اللون غننني كان حاطه قبله روج وابدا مايدبق يعطي تاثير القلوس ، اكثر لون حابته فيهم ٢٠٤ جممممميل

مسكرة الحواجب من بنفت 

فرشتها صغييييره تثبت لي شعر الحواجب ، وكل شغلي انا اشوف ان لونها ماله تاثير قوي احس ماشوف اللون ف اللي حابه شي يفتح حواجبها بس مراح تعجبها بس اذا تبي شي يثبت لها شعر الحواجب يبقون ثابتين نصحها فيها بتعجبها 

بودر ذا بودي شوب 

ماتوقعت بتكون جميله هالكثر ابدا ماتعطي مظهر الكيكي ولاتكتل معاي وخفيييفه على البشره واشوف ان كميتها كبييره 

حابتها صدق 

فيه منتجات كثثثير احبها بس ذولي الافضل اللي ماستغني عنهم