فاونديشون لوريال انفاليبل مات

فاونديشون لوريال انفاليبل مات

فاونديشون لوريال  انفاليبل مات ادمنته :) الفتره الاخيره يومي وللزيارات ماستخدم الاهو ،مثالي للبشره المختلطه والدهنيه

،بشرتي مختلطه ومرتاحه عليه اول مره اجرب فاونديشون درق ستور واحبه هالكثر وامسك عليه :) لدرجه ناسيه باقي الفاونديشنات اللي عندي ماستخدم الاهو

الفاونديشون مات بس مو المات اللي يكتم البشره وثقيل عليها لا ابدا خفيييف على البشره ،يعطي تغطيه مخمليه ،تغطيته متوسطه واذا حابه اثقل احط طبقه ثانيه بس يحتاج دمج سريع لان يجف بسرعه ،

 ادمجه بسرعه قبل يجف عشان مايتكتل ، ادمجه بفرشه بعدها اطبطب ببيوتي بلندر ، حابته لان مايبين ثقيل على البشره اغلب الفاونديشنات المات تبين ثقيله هذا ابدا يبين طبيعي على البشره ،مناسب جدا للدوام

الفاونديشون ثابت لوقت طول مايتحرك ابدا  ، يجلس معي 8 ساعات ما ادهن بشرتي اللي بشرتها مختلطه بتحبه ،

 انا حابته تقريبا 3 شهور ماستخدم الاهو واذا خلص برجع اشتري منه اكيد ، والحلو ان فيه درجات متنوعه بذات الاندرتون حقها مناسب للون بشراتنا

لوريال منزلين من نفس المجموعه برايمر بعد وبودر بس ماجربتهم استخدم قبله برايمر بنفت او ميك اب فور ايفر،

وبعده ماحب احط بودر لان ثابت ف ماحتاج بودر ،اللي بشرتها دهنيه احس تحتاج بعده بودر عشان يبقى مات وقت اطول

الفاونديشون ينتهي من تاريخ الفتح بعد 12 شهر

وحجمه 35ML

"اي فاونديشون عندكم او اي ميك اب خاص بالبشره برايمر اوبودر احرصو على تاريخه لان اذا انتهى بيخرب البشره:( عشان تعرفون التاريخ طبعا ينحسب من تاريخ الفتح هذي العلامه اللي زي الصندوق:)

 هي اللي فيها المده مكتوب جواتها 12M يعني من تاريخ الفتح 12 شهر سنه كامله اتوقع يخلص قبل السنه :)

اللي حابه فانديشون يومي ومات وسعره مناسب انصحها فيه انا اخذته من بوتس دبي ، 

عندنا اذكر قبل فتره حصلته بسنتربوينت بس كانو منزلين درجتين ومره فاتحه كانت :(

 مادري نزلو باقي الدرجات او لا

سعره كان 89 درهم