فرش زويفا + طريقة الطلب من موقع زويفا

صباحكم خير ورضاء باذن الله 

من اساسيات جمال الميك اب الفرش هي العامل الاساسي ف ان يكون الميك اب مرتب بذات فرش العين لان اذا الفرش تمام بتدمج لنا بشكل مضبوط ويكون شكله حلوه ونظيف ، فرش العين كثثثثثيره بالسوق ودايما نحتار اي ماركه ناخذ ووش نحتاج فرش ، فيه فرش غاليه ورخيص الفرق بينهم الفرش الغاليه لك وللزمن 

بس مو كلهم :( ، الفتره الاخيره اشوف صار تنافس كبير بين الشركات ينزلون منتجات بسعر معقول وجوده عجيبه . 

منهم الفرش اكثر ماركه فرش ابهرتني زويفا 

جودتهم مثل ماك بالضبط وسعر المجموع سعر فرشتين من ماك ، الفرش عندي من اول ماهبو فيها الناس تقريبا من سنه وشي او سنتين ، اغسل فرشي انا كل اسبوعين او كل شهر مره حسب استخدامي ابدا ماطاح شعرهم .

اللي حابه فرش انصحها فيها ابدا مراح تندم جوده وسعر مره كويس 

انا جربت هالمجموعه اللي ١٢ فرشه اشوف ان فيها كل الفرش الاساسيه للعين

ومراح احتاج غيرهم ، ف اللي حابه مجموعه فرش للعين وماتبي تشتري بعدهم اي فرش انصحها ب هالمجموعه 

عندهم مجوعات فرش فيه اقل وفيه اكثر بس اشوف هالمجموعه تكفي , وتقدرون تطلب فرش بالحبه حسب وش تحتاجون

استخدمات الفرش : مو لازم تتقيدون ب استخدامها اللي مكتوب عليها حسب ايش ترتاحون له 

317 wing liner : احب استخدمها لجل الحواجب دقيقه مرررره ونحيفه ف اتحكم برسم الحواجب لان الجل استخدمه اخر حواجبي ، واستخدمها للجل لينر 

315 fine liner : للجل لينر 

322 brow liner : هذي شعرها قصيير مره وعريضه شوي ف احب استخدمها للكونسيلر انظف فيه تحت الحواجب 

226 smudger : هالفرشه من الفرش اللي احبها ادمج فيها الكحل على خط الرموش السفليه تموهه لي بشكل فضيع او اذا مالي خلق احط اي لينر احط كحل واموهه فيها 

237 detail shader : الفرشه حجمها صغير ف احط فيها الشدو عند مدمع العين ، وتحت الحواجب ومرات احط فيها اضائه عند الشفايف 

142 comcealer buffer : ماحب احط الكونسيلر بفرشه بيوتي بلندر اشوف افضل ، ف استخدمها لبرايمر العين ، وادمج الكونسيلر تحت الحواجب فيها 

228 luxe crease : احب هالفرشه لدمج الشدو على الكريسس ، هالنوع من الفرش تخلي اللون مدموج بشكل خفيييف وتوزع اللون صح ف هي للوان الانتقاليه افضل 

224 luxe defined crease : نفس استخدام الفرشه اللي قبل بس هي بشكل اصغر 

227 luxe soft definer : ادمج فيها الشدو اذا كنت ابي لونه واضح اكثر من الفرشتين اللي قبل

231 luxe petit crease : احبها مره استخدمها ل اشياء كثير ، ادمج فيها الشدو نهايه العين ، استخدمها على خط الرمش السفليه ،ادمج فيها الشدوات اذا خلصت استخدمها لكل شي :) 

230 luxe pencil: ادمج فيها الشدو على خط الرموش السفليه اذا حبيت الشدو يكون لونه اقووا على كسره العين استخدمها 

234 luxe smoky shader: احط فيها الشدو 

الحين نجي لطريقه الطلب من الموقع حقهم 

الطلب مره سهل يحتاج بس فيزا عشان الدفع ، ويوصل دايركت عن طريق البريد السعودي 

هذا رابط الموقع 

https://www.zoevacosmetics.com/asia3/

 اول مانفتح الموقع بتطلع لنا هالصفحه نختار خيار shop

بتطلع لنا هالقاىمه فيها الميك اب والفرش بنختار خيار الفرش brush sets

اذا اخترنا خيار الفرش بتطلع لنا هالقائمه اما نبي مجموعه فرش او فرش بالحبه 
انا حطيت خيار مجموعه الفرش 

طلعو لي مجموعات الفرش عندهم فرش للوجه لحال او للعين لحال او كلهم مع بعض تختارون اللي تحسون تناسب استخدامكم 

اخترت انا هالمجموعه اللي نفس حقتي  عندهم منها اسود وهاللون بعد 

اول مادخل عليها بيجيني هالخيار اضغط عليه شايفين سعرها كم ٣٤٠ ريال 

فتح لي هالصفحه اسجل دخول واذا مو مسجله اسجل واعبي بيناتي 

خطوات التسجيل احط على اول خيار بالصوره اللي فوق 

تعبون بيناتكم كلها وتاكدو انها صحيحه اهم شي رقم الجوال لان بيجيك مسج اذا وصلت 

نقلني على هالصفحه حط لي  المبلغ الاجمالي مع الشحن بالريال السعودي بعدها احط checkout

بينقلني على هالصفحه اختار اول خيار واحط بيناتك بطاقه الفيزا 

ونعبي بيننات الفيزا بعدين خلاص تتم العمليه 

الشحن على البريد السعودي وكم يوم وتوصل متتاخر بس قبل كانت خدمتهم افضل كانو يشحنون على DHL كانت يومين وهي عندي ويصلون للبيت اكررهه التعامل مع البريد السعودي انا :(