طريقه اختيار الفاونديشون + ريفيو فاونديشون دولتشي اند قابانا

مبارك عليكم الشهر والله يتقبل منا ومنكم صالح الاعمال 

كثير تجيني اسئله عن الفاونديشون مو الشرط اذا يناسبني بيناسبك او عاجبني بيعجبك ، لان كل وحده تحب تغطيه معينه او تحب بشرتها مات او فيها قلووو يختلف من وحده ل وحده ، ف قبل تشترين اي فاونديشون شوفي عنه ريفيوات 

، مثل انا احب التغطيه الوسط واحب الفاونديشون يبين بشرتي فيها قلو وانا بشرتي مختلطه

وعجبني هالفاونديشون اروح اقرا عنه ريفيوات واشوف باليوتيوب اشوف قبل زي مااحب او لا ، اذا اللي متلكمه عنه بشرتها مختلطه اشوف ايش تقول عن التغطيه اذا ميديم تمام واذا يعطي بشرتها قلو ف تمام التمام كذا ف بيناسبني وبيعجبني 

لان كثثثثير نشتري وبالاخير تنركن لان مو زي مانحب ف قبل مانشتري نقرا افضل ، او ناخذ علب بلاستك صغيره نخلي الموظفه تحط لنا كم ضغطه نجربه ومنها نختبر الدرجه 

عاد اختيار الدرجه حسب لون بشرتك ومحد يقدر يحدده لك ، جربيه على وجهك وشوفي الدرجه مناسبه لك او لا وغالبا المحالات تكون اضائتها قويه ف مهما اجرب يبقى زي لوني اروح للبيت انصدم :( ، وانا دآئما احب اغمق مني بدرجه احس يطلع احلى 

نجي الحين للحب هالفاونديشون لي اكثر من سنتين عليه كل مايخلص ارجع اشتريه ، فيه منه نوعين هذا والمات بس مافضل المات عشان كذا اخذت هذا ، استخدمه للمناسبات ، تغططيته وسط واذا حطيت طبقه ثانيه يصير فل كفر 

يعطي بشرتي قلو او اضائه صحيه كان بشرتي مهمته فيها من قلب :) 

ويبقى ثاببببت معاي طول الوقت وومايخطط ولايتاكسد ابدا عشان كذا افضله للمناسبات ، اهم شي عندي مايتاكسدد بذات اذا بجلس فيه وقت طويل وبما ان بشرتي مختلطه مايدهن معاي بس اذا حسيت بشرتي وقتها مايله للدهنيه شوي احط قبله برايمر للبشره الدهنيه ، البشرات الدهنيه مراح يناسبهم بيطفشهم شوي ، اشوفه مناسب اكثر للمختلطه والعاديه والجافه بعد ، الدهنيه فيه زيه مات اتوقع مناسب لكم اكثر  

تحصلونه بباريس قالري 

وعشان يبقى شكل الفاونديشون حلو وثابت فيه خطوات جدا مهمه واهم شي بالنسبه لي تقشير البشره قبل تحطون ميك اب مرررره بيفرق شكله اي مقشر مرتاحين عليه ، وبعدها الترطيب وبعدها البرايمر بعدين الفاونديشون وبعدين الباودر كذا بيبقى شكله زي ماتبون وبيثبت معاكم