روتيني الاسبوعي للعنايه ببشرتي

صباحكم ومسائكم خير 

حبيت اقول لكم عن روتيني الاسبوعي بالبشره 

البشره عشان تبقى حلوه وشباب طول العمر ضروري الاهتمام فيها 

اذا اهتميتي من عمر صغير تقل مشاكل البشره 

العنايه الاسبوعيه استخدم مقشر وماسك للبشره 

راح احكي لكم عن المقشرات والماسكات اللي جربتهم واللي حبيتهم واللي اعتمدتهم بالعنايه الاسبوعيه ف هم التوب عندي هالمنتجات

المقشر التقشير مهم مهم للبشره يشيل ككل القشور وبقايا الدهون يخلي البشره تتنفس وتستقبل المنتجات بشكل افضل ، اللي الفاونديشون يقشر معاها تجرب تحط مقشر قبل الميك اب وبعدها ترطب بشرتها وتشوف كيف تختفي القشور على طول 

مقشري المفضل من ثلاث سنوات 

سكن فود بالسكر الاسمر هالمقشر فضيع فضيع فضيع بشرتي مرتاحه معاه ، ابدا ماحسس بشرتي ويقشر لي البشره بشكل عميق بدون مايكون قوي عليها مهما اجرب مقشرات ماعتمتهم ثل هذا مافيه زيه ابدا وهالماركه احبها كثير واثق فيها ، حتى اهلي كلهم يستخدمونه فيه حبيبات سكر احطه زي الماسك من ٣ ل ٥ دقايق بعدها ابلل اصابع يدي وبحركات دائريه خفيفه اقشر البشره بعدها بتشفون النعومه وتحسون البشره تتنفس صدق ، من ثلاث سنوات كل مايخلص لازم ارجع اطلب لي هو التوب بالنسبه لي 

سكن فود ماركه كوريه مومتوفره عندنا ممكن تطلبونها اون لاين

ومتوفر بمتجريshoog__shoop

ماسك ومقشر الفحم من ماك 

هذا فضيع قبل المناسبات لان يعطي نتيجه سريعه بس موقته فقبل ماحط ميك اب احب استخدمه على طول بشرتي تصير فيها نظاررره ، ماعتمدته كل اسبوع ك مقشر اساسي ابدا بس قبل اي مناسبه مافيه مثله وصدق فضيع وثالث مره اشتريه وكميته كبيييره اطول عندي بس عيبه نادرررا احصله :( مخلص من عندي من شهرين ولسى ماحصلته :( 

الماسكات 

الماسكات نختار حسب حاجه بشرتنا ف انوواع انا بالمسكات بس معتمده كذا نوع 

اذا حسيت بشرتي جافه شوي احط ماسك يرطبها  لي او اذا شاحبه احط ماسك يغذي 

قناع الشوكلاته من فارم هاوس 

فارم هاوس من الماركات اللي اثق فيها كثثثير كل منتجاتها طبيعيه حتى ريحتهم شي طبيعي ، بشرتي مرتاحه عليهم كثييير ، جربت كذا نوع منهم بس هذا اكثر نوع حبيته وكل مايخلص ارجع اخذ منه ، الشوكلاته معروفه لشد البشره وتعطي نظاره ، اللي تحتاج شد لبشرتها تجرب ماسكات بالشوكلاته .

هالماسك ريحته تشوكلت لذيذذذه ، لانها طبيعيها مايصير تحطون يدكم وفيها مويا بالماسك بيخرب انا احب استخدم فرشه للماسك احس افضل 

احطه على بشرتي وواخليه لما ينشف ، بعدها بشرتي تصير مشدوووووده وفيها نظاره مره احبه هالماسك 

تطلبونه اون لاين من موقعههم 

الطين الهندي 

للامانه ماشفت علاج للمسام منه زي ماقريت بس احب الاحساس اذا حطيته 

استخدمته بكذا طريقه بس اكثر طريقه حبيتها 

ملعقه زبادي والماسك واخلطهم اذا حسيت بشرتي جافه احط شووي زيت فيتامين اي ، مع الزبادي شفت نتيجه افضل نعومه ونظاره واحس ينظف البشره صدق 

بس ابدا مايعالج المسام 

الطين الهندي تطلبونه اون لاين 

ماسك كلينك 

هالماسك للبشره المعرضه للحبوب 

مرات مع ضغط الشغل واذا نفسيتنا مو تمام على طول تطلع الحبوب :( ، ف استخدم هالمساك اذا حسيت بشرتي بدا يطلع لها حبوب ومررره حابته ،اللي بشرتها فيها حبوب اساسا ممادري بيفيد معاه او لا بس اللي كم حبه تطلع تستهبل :) بوقت غلط يجيب نتيجه معاي 

كلينك مووجوده بسيفورا ودبنهامز وباريس قالري 

اخر منتج جربته للعنايه وراح اعتمده باذن الله 

قناع فحم الهملايا من ذا بودي شوب 

قناع ومقشر بنفس الوقت 

ينظف لي البشره بشكل عممممميق ويطهر البشره لان يحتوي على زيت الشاي 

القناع احطه من ٣ ل ٥ دقايق يحرق بالبدايه اول ماحطه اذا جيت اغسله ابلل اصابع يدي وبحركات دائريه عشان اقشر البشره الماسك فضيع فضيع فضيع ماتوقعته كذا ابدا 

جربت ماسكات مقشرات كثير بس الافضليه اللي تكلمه عنهم واللي كل مايخلصون ارجع اشتريهم