مساء الخير..صايره احب اكتب بالمدونه كثير🥺🤍 اتوقع كلنا نحب ايهرب ومنتجاته وهو الموقع الوحيد اللي لازم كل شهر شحنه 🤍🌚
احبه لان فيه كل شي ممكن احتاجه زيوت للبشره والشعر ومنتجات عنايه
وسناكات صحيه واشياااء كثير والحلو ان اسعارهم حلوه جدا
قبل سوو خدمه الدفع عند الاستلام بس بعد كارونا شالوها
صارو بس بفيزا 🥺
المهم حبيت اوريكم اخر طلبيه لي ، صار لها شهر عندي تقريبا ف جربت بعضهم ، والبعض كل مايخلص اطلبه
ف بعطيكم ريفيو عن كل منتج🌚🌚🤍
واذا حابين تطلبين هذا كود خصم بيخصم لكم ،
DAZ4166
واذا ماعندكم فيزا تطلبون متجري كير قفت بيوفرهم قريب باذن الله
زيت بذور العنب
معروف بفوائده الكثيره للبشره والشعر منها..
يأخر ظهور التجاعيد والتخفيف منها ، حماية البشره من اضرار اشعه الشمس ،
تخفيف من علامات تمدد الجلد ، ترطيب وتغذيه البشره ، ممتاز للاكزيميا والتهاب الجلد ،التخفيف من التصبغات واثار البقع ع البشره
تحفيز انبات الشعر ، ويستخدم ك حمام زيت للشعر لان يرطب وينعمه.
خل اقول لكم عن تجربتي معاه ، اكثر زيت استهلكه لانه خفيف ومايغث ع البشره(مااحطه ع وجهي ابدا بس جسمي) ، تتشربه بشرتي بسرعه وترطيبه عميق احب قبل الشاور بساعه احطه ع كل جسمي
يعطي نعومه وترطيب ، والترطيب جدا مهم لان هو اللي يخلي اللون موحد بدون تصبغات
اما شعري احب اذا حنا او ماسك احط منه شوي ع الخلطه
سعره 12 ريال
هذا رابط الزيت
https://sa.iherb.com/pr/Now-Foods-Solutions-Grapeseed-Oil-4-fl-oz-118-ml/59358
زبدة الكاكو فوائدها كثييييره واهم شي لتشققات الجسمم
ومن هالشركه اول مره اجربها ، حبيت ان ريحتها مو قويه ابدا ، ماجربتها لحالها
بس جلست اخلط كالعاده وحطيتها معاهم
سعرها تقريبا ١١ ريال
هذا رابط الزبده
زيت جوز الهند
فوائده كثيرررره للبشره والشعر ولصحه الجسم ويدخل بالاكل بعد ، يحافظ ع صحه الشعر وحمايته ، ومهم لصحه البشره وترطيبها ، مقاوم للتجاعيد والوقايه من تششققات الجلد ويعتبر مقشر طبيعي اذا انحط مع سكر ، يخفف السليوليت ، ووحلو للاظافر بعد .
بالنسبه لي زيت جوز الهند استخدمه لكل شي احطه على اطراف شعري قبل الشاور بساعه يرطبها لي مضبوط ، احطه مع الحنا وخلطات الشعر ، اشيل فيه المكياج مع ان بشرتي مختلطه وماتتقبل اي زيت عليها ع طول تنحاس الازيت جوز الهند تحبه 😂 ، احط جولسليد مع شووي منه وارطب فيه جسمي ، جربت كذا نوع من ايهرب كلهم نفس بعض بس احب هذا وخلاص مسكت عليه لان ريحته مو قويه
سعره ٢٢ ريال
وهذا الرابط تبعه
هذا اللي يتبابعوني زين يعرفون شكثر احبه صديق الشتا والكسل🌚
كلنا بالشتاء يجينا الخمول والكسل ويالله نسوي الشي ، وبالشتا الترطيب جدا جدا مهم
ف احب هذا لان سهل بخاخ وهو زيت ف ترطيبه عميق وسهل كم بخه وخلصما🌚🤍
ترطيبه عميق ومايدبق ابدا وبسرعه تشربه بشرتي ، بس مفعوله للعلامات التمدد وكذا ماشفت اي فايده للاسف
بس انا احبه ك ترطيب وقت الكسل ، واهم شي يطول عندي مره وكميته جدا كويسه
سعره ٢٦ ريال
رابط الطلب
هذا اول مره اطلبه ومتحمسه اجربه ، ولما صوورته بالسناب كثير مدحوه لي
غالبا هالماركه اي شي اجربه منها يطلع حلو
هذا مرطب بالكولاجين استنى اخلص من اللي استخدمهم الحين واجربه
سعره ٣٠ ريال
الفيتامينات احب اخذ اللي كذا مثل الحلاو ، هذا شفت التعليقات عليه تحمس بس للاسف ماقدرت اكله
ريحته جججججدا قووويه اللي تسبب غثيان🥺💔
ف مادري كويسه او لا
سعرها ٥٠
ماسك الطين الاوربي والمغربي زمان اذكر جربتهم ، وحبيت واحد مره واكثر من الثاني بس مادري اي واحد 😂
ف طلبتهم اثنينهم اشوف
سعر كل واحد فيهم ٢٠ ريال
الطين الاوربي
الطين المغربي
هذا بطل بطل ولي سنين اطلبه كلنا بالبيت مانستغني عنه ، هو ماهو مرطب للقدم معالج ، يستخدم كل يوم وبعده شراب وشوفي كيف الرجول تتحول ل رجول بيبي 🥺🥺 🤍
انا عشان احافظ ان تبقى حلوه وكذا مره بالاسبوع قبل انام ، فعلا سحر للارجل
سعره ٢٤ ريال
مرطب لليد ، من فتره مقطوع ماصدقت احصله 🥺🤍
احبه ترطيبه حلو وابدا مايدبق واحب ريحته ، اساس المجموعه كلها احب ريحتها
بس لما بديت استخدمه حسيته مو زي اول🚶🏻♀️💔💔💔 مدري تغيرت تركيبته ولاايش
سعره ٣٦ ريال
مرطب اليد من يوسرين احبببه فعلا ، انا واهلي دايما نستخدمه ومانستغني عنه
احبه لان طبي ، ومايدبق ابدا وترطيبه عميق ، ودايما بشنطه الميك اب
سعره ١٩ ريال وبصيدلياتنا ب ٩٠ ريال 😒😤
مقشر سكن فود بالسكر الاسمر ، من الاشياء اللي دايما عندي ترا محلهم عندنا بس دام طالبه طالبه اطلبه معهم
احبه مره لان رقيق ع البشره ولايأذيها لي ، بس احطه ع بشرتي وباطراف اصابعي يبدا يذوب السكر وريحته جدا منعشه
يقشر لي بشرتي بالشكل المطلوب وبدون مايححسها ، استخدمه مره بالاسبوع بس مايعتبر مقشر قوي لطيف وحنون ع البشره🌚
سعره ٣٨
هالفرشه شفت كثير يمدحونها قلت اجربها ، تستخدمينها وشعرك مبلول عادي 🌚🤍
ف باديه استخدمها بس اشوف فيه فرق قلت لكم
سعرها ٣٤
حبيت اجرب من عندهم الفوط لان قطن العضوي وماتسبب التهابات والحوسه ذي كلها
لان الفوط من اهم اسباب الالتهابات ف ضروري نحرص تكون قطن
خذيت نوعين جربت ذي ومرتاحه عليها كثييير ، واتوقع بعتمد عليها بس ترا حجمها صغير
وفيه انواع من نفس الشركه ومقاسات
سعرها ٢١ تقريبا
هذا النوع الثاني من القطن العضوي بس لسى ماجربتها
سعرها ٢٢
وهذا الرابط حقها
تعليقات
إرسال تعليق