سيروم فيتامين سي

 مساء الخير  

حابة اتكلم لكم اليوم عن اكثر سيروم احبه وبشرتي تحبه بعد🌚🤍

سيروم فيتامين سي من اوز ناتشورال 

من اهم مكوناته فيتامين سي فيتامين اي الهيدرونك اسيد ، هو مو فيتامين سي لحاله صافي لا معاه مكونات ثانيه 

 

تقريبا قبل اربع سنوات تقريبا بشرتي صار بالذقن بس حبوب حاولت اجرب كذا شي ولاراحت ، المهم وقتها كنت بدبي وسئلت صيدلانيه ووريتها بشرتي ، قالت استخدمي اي سيروم فيه فيتامين سي ، مانصحتني بنوم معين 

ف حبيت اجرب هذا لان وقته كان عليه ضجه فعلا ، من بعده صرت مستحيل استغني عنه ، بس يخلص

اجرب سيروم ثاني وسبحان الله لازم ارجع له بشرتي تحبه فعلا🤍 وترتاح عليه بس مو حابه اخليها تتعود عليه 

ف اذا خلص استخدم شي ثاني ، او اذا حسيت بشرتي تعبانه ارجع له ، وناويه ارجع له هاليومين 

لان فجئه بشرتي تطلع حبوب 

الكلام عليه كثير من مدح وذم بس فيه قاعده مهم في العناية بالبشره ..اللي يناسبني موشرط يناسبك.. والعكس صحيح ، مرات نكون نفس نوع البشرع بس بشرتي ماتقبلت المنتج وانتي جاب عليك نتيجه ولااروع .

مميزاته كثير بس اللي انا لاحظته يوحد لون البشره ويشيل التصبغات(احب احطه ع يدي ورجلي) يشيل لي الحبوب واثارهم ، بس انا بشرتي مو من النوع اللي فيها حبوب ابدا بس اللي فجئه تستهبل تطلع حبوب وهو يفي بالغرض ويشيلها لي ، يعطي نظاره للبشره ، اانا احبه واحب تاثيره ع بشرتي وماستغني عنه ابدا 

احب بين فتره وفتره احطه ع يدي ورجولي قبل السيروم اقشر بمقشر كاب وملح الحليب بعدها احط من السيروم قبل النوم طبعا وبالنهار احرص ع واقي الشمس 

اي منتج تستخدمونه فيه فيتامين سي ضروري تحرصون ع واقي الشمس وماتحطونه بالنهار بس قبل النوم 

لان اذا حطيتي وطلعتي للشمس بيعطيك نتائج عكسيه ، وفيتامين سي ترا مو اي بشره تتقبله ابدا . 

فيه ماركااات كثير من سيروم فيتامين سي ، بس انا مرتاحه ع هذا يعطيني النتيجه المطلوبه 

وسعره جدا كويس ، وحاليا موجود بكل مكان